ಬಾನಂಗಳದಿ ರವಿ ಉದಯಿಸಿ
ಬಾಳಲಿ ಹೊಸಬೆಳಕು ಮೂಡಿ,
ಪಾಳಿ ಮುಗಿಸಿದ ಚಂದಿರನಂತೆ
ಮರೆಯಾಯ್ತು ಎರಡುಸಾವಿರದ
ಹನ್ನೊಂದು ನೆನೆಪಿನಂಗಳದೆಡೆ
ತನ್ನ ಮುಖವ ಮಾಡಿ!
ತುಂಬಿರಲಿ ಮುಖವ ಸದಾ ಮಂದಹಾಸ
ರೂಢಿಯೊಳಿರಲಿ ಗಾಢ ಪ್ರೀತಿ ವಿಶ್ವಾಸ
ಆಡುವ ನುಡಿಚೆಂದ, ಅಡಿ-ಇಡುವ
ನಡೆ ಚೆಂದವಾಗಿ, ಕೈಗೊಂಡ
ಕಾರ್ಯದಲಿ ಸಫಲರಾಗಿ- ಸಾಧನೆಯ
ಶಿಖರದೆಡೆ ಹೊರಡಲನುವಾಗಿ!
ಬೆನ್ನ ಹಿಂದಿದೆ ಅನುಭವದ ಕಕ್ಷೆ
ಬರೆಯಿರಿಂದೇ ವರುಷದ ನೀಲ-ನಕ್ಷೆ.
ಅರಿಯಿರಿಂದೇ, 'ಸಾಧಿಸುವ -
ಛಲವಿರಲು, ನುಡಿಯಂತೆ-ನಡೆಯಿರಲು'
ವಿಜಯಿಸುವಿರೀ ನೀವೀ ಪರೀಕ್ಷೆ
ನಂಬಿದ ದೈವ ನೀಡಲಿದೆ ಶ್ರೀ ರಕ್ಷೆ!
ಕಂಡ ಕನಸೆಲ್ಲ ನನಸಾಗಲೆಂದು
ಹೊಸವರುಷ ಬಲು ಸೋಗಸಾಗಲೆಂದು
ಹಾರೈಸಿದೆ ಮಿತ್ರರ 'ಸ್ವಚ್ಚಂದ ಪ್ರೀತಿ'.
ಇಂತಿರಲು ಸಂಭ್ರಮದಿ ಬಾಳಿ
ಎರಡುಸಾವಿರದ ಹನ್ನೆರಡು
ಸ್ವರ್ಗಕೆ ಕಿಚ್ಚು ಹಚ್ಚೆಂದ ರೀತಿ!
- ಗುರುಪ್ರಸಾದ ಹೆಗಡೆ ಹರ್ತೇಬೈಲ್
ಬಾಳಲಿ ಹೊಸಬೆಳಕು ಮೂಡಿ,
ಪಾಳಿ ಮುಗಿಸಿದ ಚಂದಿರನಂತೆ
ಮರೆಯಾಯ್ತು ಎರಡುಸಾವಿರದ
ಹನ್ನೊಂದು ನೆನೆಪಿನಂಗಳದೆಡೆ
ತನ್ನ ಮುಖವ ಮಾಡಿ!
ತುಂಬಿರಲಿ ಮುಖವ ಸದಾ ಮಂದಹಾಸ
ರೂಢಿಯೊಳಿರಲಿ ಗಾಢ ಪ್ರೀತಿ ವಿಶ್ವಾಸ
ಆಡುವ ನುಡಿಚೆಂದ, ಅಡಿ-ಇಡುವ
ನಡೆ ಚೆಂದವಾಗಿ, ಕೈಗೊಂಡ
ಕಾರ್ಯದಲಿ ಸಫಲರಾಗಿ- ಸಾಧನೆಯ
ಶಿಖರದೆಡೆ ಹೊರಡಲನುವಾಗಿ!
ಬೆನ್ನ ಹಿಂದಿದೆ ಅನುಭವದ ಕಕ್ಷೆ
ಬರೆಯಿರಿಂದೇ ವರುಷದ ನೀಲ-ನಕ್ಷೆ.
ಅರಿಯಿರಿಂದೇ, 'ಸಾಧಿಸುವ -
ಛಲವಿರಲು, ನುಡಿಯಂತೆ-ನಡೆಯಿರಲು'
ವಿಜಯಿಸುವಿರೀ ನೀವೀ ಪರೀಕ್ಷೆ
ನಂಬಿದ ದೈವ ನೀಡಲಿದೆ ಶ್ರೀ ರಕ್ಷೆ!
ಕಂಡ ಕನಸೆಲ್ಲ ನನಸಾಗಲೆಂದು
ಹೊಸವರುಷ ಬಲು ಸೋಗಸಾಗಲೆಂದು
ಹಾರೈಸಿದೆ ಮಿತ್ರರ 'ಸ್ವಚ್ಚಂದ ಪ್ರೀತಿ'.
ಇಂತಿರಲು ಸಂಭ್ರಮದಿ ಬಾಳಿ
ಎರಡುಸಾವಿರದ ಹನ್ನೆರಡು
ಸ್ವರ್ಗಕೆ ಕಿಚ್ಚು ಹಚ್ಚೆಂದ ರೀತಿ!
- ಗುರುಪ್ರಸಾದ ಹೆಗಡೆ ಹರ್ತೇಬೈಲ್
